平機會事件

2003 年 11 月 15 日 星期六 【清涼】

評論一下近期的平機會事件.

好明顯就係一場政治鬥爭. 主線係王見秋炒余, 其他果d都係附帶出黎既臭史而已. 從呢件睇,
王見秋係一個蠢到無得再蠢既人, 炒人係一樣技術, 唔係你睇佢唔上眼或覺得佢係多餘既就
話炒就炒, 你估以前咩, 佢唔同你死過就奇. 最上既上策就梗係線佢鑊甘, 大條道理炒佢, 中策
就係待佢約滿唔同佢續約, 好似胡紅玉咁, 下策就係王見秋做左既野. 呢位王生係咪做得法官
耐得滯呢, 完全一d辦公室政治都唔識, 一個重症既人猛咁灌佢藥都死啦, 做野要慢慢黎架麻,
至於佢d收受利益既野, 反而唔值得大驚小怪, 呢d野有邊個唔做? 不過咁岩撞正呢單野俾人
law左黎做攻擊借口jei. 至於胡紅玉話佢任人唯親, 咁有可以理解, 唔信親戚唔通信你呀, 皇帝
都靠外戚啦. 又係果句,不過咁岩撞正呢單野俾人law左黎做攻擊借口jei. 不過政府要諗一諗平
機會既存在價值同埋透明度, 本來政府有進步架啦, 知道要搵人搞一搞個會, 不過搵著個蠢人
, 而且條友對政治一竅不通, 仲話傳播界迫害佢, 鬼得閑迫害你咩, 你身無屎點樣可以抹黑你
呀, 仲話被人離棄, 得唔到支持, 政治就係咁架啦, 為求自保, 六親不認, 仲撐你, 董建華想引火
焚身呀. 哈, 董建華又醒左wor, 識得縮沙.