皇馬的三場亞洲比賽.

2003 年 08 月 09 日 星期六 【晴】


皇馬的三場亞洲比賽.


對龍之隊既比賽, 因為某d事情(係長洲), 無睇到, 剩係睇左精華, 上半場龍之隊打得唔錯, 只不過比
皇馬係完場前入三球.

對東京FC既比賽, 一來大雨, 二來出半力, 加上東京FC踢得好, 所以全場還可以, 不過皇馬就打得麻
麻地, 反而東京FC有驚人演出, 算交到功課. Beckham比之前個場有進步, 個球罰球真係靚, 朗拿度
個球都靚, 不過佢成日都射到.

對港聯既比賽, 朗拿度既兩球入球真係好靚, 尤其係第一球用速度推, 再擦幾個靚花, 用左腳射近柱
入, 真係靚到無得再靚, 咁輸法都無野好講. 魯爾個球就射得好乖巧, 佢之前個幾場同未入波個陣都
唔係好老黎, 射極都唔入, 唔知係咪犯太歲呢. Beckham d長傳就真係好準, 轉邊加步大力雄既高速
carlos好恐怖, zidine又話過你就過你. 反而港隊入到兩球, 就真係俾到我地好大驚喜,
第一球頂得好靚, 第二球就反應好快, 可惜死火倫無入波, 佢個世界第一好快就俾人趕過. 郝海東就
慘d, 一個人係前面死扭難扭, 朗拿度扭一次, 佢又扭番一次, 唔知係咪想証明寶刀未老呢. 范俊業又
有超水準演出, 撲portillo個球簡直有buffon一成既風範, 呢場港聯算有交代架啦, 起碼令皇馬失兩球
, 好睇!