嶺南之旅

2003 年 07 月 25 日 星期五 【晴】

嶺南之旅

尋晚睇完newcastle 對 伯明x城 同利記對泰國先訓, 好可惜兩場都唔好睇, 阿robert(newcastle)
都唔知做乜, 頻頻落唔到底線, 出波又出到舞雷公咁遠, 利記又踢得漫不經心都win2球, 希望今
晚個場會好睇d.


今日8點就起左身, "拿拿林"搞掂哂d"林審野"之後就出門口. 先坐93k去旺角火車站再搭67x入
嶺大. 經歷個半小時既車程終於到左嶺南. 我都係第一次去個度. 個門口一睇就知係抄故宮博
物院端門, 入到去左度度右度度, 發現原來好細. 搵左一陣先搵到通識教育樓(個名咁怪?). 入到
去原來係要test, 我都係去到先知, test d咩呢, 竟然係d推理測驗強化版, 有d好易, 有d都好易...
........誤導人, 如果你無乜哲學觀念係會答錯. 個考試時間有兩個鐘頭, 但係應該唔使用多過半個
鐘就會做哂. 跟著佢同我講話我2點先in, 但我做完個test先至係為11:30, 呢兩個鐘頭我做d咩呢?


無可奈何, 我唯有搭綠van出市中心"hare". 出到去又無乜胃口, 就上左去屯門大會堂圖書館借
書同睇雜誌, 搞下搞下到1點先走, 點知落到樓下先醒起留左把傘係圖書館, 又白痴地上番去羅.
入番去之後, 係鳥語花香既校園度睇左陣書先上去. 上到去, 同一男二女一齊等in, 跟著派埋
number俾我地. 其間有幾條應該係哲學系的學生不斷咁搞gag, 可能想令我地放鬆d, 可惜我都
唔緊張, 唯有陪笑. 佢問我地睇過d咩哲學書, 個個男仔up左幾本, 其中有Plato 既 <理想國>,
<"飛"多>, 仲有<蘇菲的世界>, 我心諗咁堅? 我都係睇左半本西洋哲學史同哲學概論jar bo, 其餘
個兩個女仔都無讀過. 咁我都睇哂古龍d小說既, 不過係度用唔番出黎jei.


過左一陣有個好似係教授既人出黎叫我地入去, 緊張既時段終於來臨啦. 入到去, 首先就見到三
個中年男人, 一個鬍鬚luck突, 中間個個就好正常, 右手邊個個就滿頭白髮, 果然係讀哲學既人.
一開波佢竟然就問d好哲學既問題:


1.我而家睇到呢張檯係黃色, 咁你點知張檯一定係黃色呢? 有色盲既人睇到係灰色架bo, 咁究
竟點解釋?(呢句我加既)

2. 真理係咪一定人人都應該認同架呢? (大約係咁, 唔係好記得)

好鬼哲學既兩條問題, 可以好易就test到你對哲學的認識. 好彩我唔係1號, sharp時間要你講都
幾難. 都涉及到知識論, 懷疑主義, 理性主義既範疇..........(笑) 果然一試便知龍與鳳, 個兩個女仔
用平時既諗法去講, 反而個男仔就真係有d 哲學料,d答案好鬼理性. 我個答案, 唔話你地知, 等你心思思!!!!!!!!
kakakakak!!!!!!!!!


聽完我地d謬論之後, 左邊個個鬍鬚luck突中年男人操著一口唔流利既內地人唔純正廣東話, 佢
應該係外國教授, 向我地發話,, 講完之後再俾我地問下學系既情況, 就係一遍歡樂既氣氛中完結.


今日既interview比愈期中好, 我起interview竟然無咳, 又起碼有個筆試玩下, 無浪費我既車錢.

答案:
佢問個d色盲點算, 咁我就話如果世界上得佢兩條茂利, 佢唔信自己既眼仲可以點, 佢懷疑得張
table係咪黃色, 就會可以懷疑任何野, 什至懷疑呢個世界係咪真既, 我係從懷疑論去答.
另外個條友就從本質論去答, 即係話我地睇既黃色未必一定係黃色, 只不過係前人所流傳落黎
既一個"觀念", idea, 即係呢個知識未必一定岩, 佢係從知識論去答.


第二條就真係諗唔番答, 不過個女仔講講下, 右手邊個個滿頭白髮中年男人突然插嘴, 仲窒左
佢一下, 搞到佢答到亂七八糟, 真係慘.......