廣州之旅

2003 年 08 月 15 日 星期五 【晴】

回家了.


廣州之旅一
廣州給我的感覺, 仲係唔係幾好, 始終個d人民既素質唔好, 點都唔可以成為一個國際都市. 雖然市
政府不斷投資重建, 令整個城市更加靚, 但係人民既素質始終沒提高. 一個城市無論設施怎樣好, 人
民既素質唔好, 一樣做唔到國際都市. 點解中國人咁多壞習慣架呢, 改黎改去都改唔好, 香港人叫做
好d, 如果唔係sars 同罰款提高, 相信仍有人會隨地吐痰, 中國人幾時先會醒悟呢?



不過, 廣州都有好既一面, 就係仲有保留以前既建築, 舊城區活脫脫就係七十年代既灣仔, d屋好多
都好靚. 而廣州既書店仲俾到我好大既驚喜, d書包羅萬有. 我係舅父屋企樓下發現左一間好正既書
店, 全部都係賣文化書, 有新有二手, 我剩係係哲學同中國文化歷史度"hare"都"hare"左兩個鐘頭,
本本都抽出黎睇下, 好多書都好pro, 好深, 搞到我都唔知買唔買好, 真係衰, 本來我好多書都想買, 不
過我本住1. 就黎搬 2. 仲有好多書咪睇完 兩個原則, 所以忍手, 錢反而唔係考慮因素, 我買左三本書,
都係用左唔夠50蚊, 真係食少兩餐飯就可以買好多書, 買到好既書真係幾滿足架. 剩係個本弗洛依
德心理哲學, 係香港買差唔多90, 我用23蚊就可以買到. 廣州d書店賣既書一來好平, 二來又齊, 好多
香港無得賣既書上面都買到, 三來d螃又pro wor, 真係好正, 結果我係三間不同既書店貫左三本書,
都算豐收, 不過d服務員既服務態度就有需要改善.

2003 年 08 月 16 日 星期六 【雨】

廣州之旅二

我去廣州主要都係探舅父同去學下電腦d野. 其實珠江都幾靚架, 如果珠江兩邊再多d高樓大廈, 咁
就perfect啦, 香港再填海造地, 過幾年連Victoria Habour都無埋, 仲鬼有人黎香港咩. 唔該政府唔好
再亂咁填海啦, Victoria Habour 就黎消失架啦. 去左廣州都幾多地方, 北京路都幾旺, 好似香港既
旺角咁, 好多人, 咩都有, 路又闊, 好行過旺角多多聲.