中學同學

2003 年 08 月 19 日 星期二 【雨】


之前同一個中學既同學去食飯. 本身同呢位同學中三就已經認識, 都算幾熟, 但就唔算深交, 中六中
七亦唔算好熟. 點知失驚無神突然約我食飯, 咁見無見咁耐, 咪同佢食下隻law. 佢而家就係某公司
做緊野, 見佢同以前完全唔同哂, 而家就好成熟, 仲好識得諗野, 真係做左野之後唔同哂. 之後佢就
帶我上去佢間公司度參觀, 個度係一間應該係幾出名既法國香薰公司, 不過我就孤陋寡聞, 未聽過.
佢同另一個同事就向我解釋個間公司係做咩, 同埋佢而家係以咩形式經營. 佢而家個間公司係以傳
銷形式運行, 我一聽到呢度, 個心就已經打左個突, 我唔知傳銷有幾多種方式, 但我所知既就係得兩
種. 根住佢就好落力咁游說我, 話好想同我一齊合作, 又話知我有做生意既頭腦 (呢樣我就不敢認同)
, 又話佢覺得同我合作可以搵好多錢. 見到佢個種語氣, 同講野既內容, 真係好似好商業式, 同埋唔知
佢係咪做得唔耐, 所以講野唔算太順暢. 我無應允佢, 但亦無好決絕咁拒絕佢, 因為我仲當佢係我朋
友, 只係借約人而遁, 我唔覺得個種工作係會適合我, 我唔咪咁快就俾個框框框住自己, 話呢樣野唔
適合我, 而係我覺得呢樣工作好似唔咪咁好. 我希望我同佢仲係一種中學時期既關係, 朋友既關係,
唔係一種商業合伙人既關係.

希望係我係以小人之心度君子之覆吧.